close
話說今天晚上約了Mr. J 晚飯，並相約在銅鑼灣皇室堡，但因為我是一個香港路痴(所以請不要把我遺棄於香港區，否則我一定蕩失路)，所以我已問清楚我坐 102 的話，要在那個站下車。

他：應該係出隧道口第一個落車，如果唔係就第二個站，但你可以上車後睇睇係咪維園個站就得啦。如果係第一個站，咁你落車後行過馬路直行就係皇室堡，到時你企係門口等我就得啦！
我：咁究竟係第一個站定係第二個呀！(我一定要確實，否則我會坐得很不安的，因為如果落錯車的話我會不知怎算，這個他是知道的，所以曾經有一次他要先做一點東西，便先把我車到其中一個商場或會展，待他完成工作後便會回來接我。)
他(想了一會後)：你都係係第一個站落車啦！
我：唔緊要啦，我問司機邊度係皇室堡咪得囉！
他：唔使啦，其實係人都知銅鑼灣皇室堡係邊架，我驚你比人笑。
我：唔知皇室堡係邊好出奇呀！我咪就係唔知果個囉。
他(他這時已經知衰，知自己講錯說話)：好啦！好啦！真係係第一個站落車就得啦。
我：咁好啦，我到就左打比你！
他(好無奈笑住咁講)：唔使啦，皇室堡得一個停車場門口，你係果度等我就得架喇！

後來我下車後，只係知道過對面馬路便是銅鑼灣，然後估估下一直行，行到一處地方，但都不確定是不是皇室堡時，便致電給潺仔求急，然後問她那裡是皇室堡，我告訴她我身旁有什麼建築物後，她就說原來我站在的那個地方便是皇室堡。幸好我沒有問其他路人，她說，對呀，如果你問其他路人的話，他們一定以為你是大陸人，因為站在皇室堡問人家皇室堡在那裡，哈哈，想想到好笑。

其實今晚真的很難得，難得是他終於有空和我吃一頓晚飯，而我亦可藉著這個晚飯時間來了解一些事情，雖然他的問題還未解決，而且還需要一點點時間，就是一點點和估計這個星期內便可知道，現在希望真的可以在這個星期內解決到吧！
arrow
arrow
    全站熱搜

    kanas 發表在 痞客邦 留言(0) 人氣()

    E-mail轉寄